Van sumalpok sa concrete barrier sa Tayabas City matapos masilaw sa ilaw ng kasalubong , 7 sugatan -

TAYABAS CITY, Quezon – Pito ang sugatan matapos na bumangga sa mga concrete barriers ang sinasakyan nilang van sa Bypass Road, Barangay Baguio, Tayabas City, Quezon, Linggo ng madaling araw.

Isinugod ng mga rescue team ng Tayabas City Disaster Risk Reduction and Management Office ang mga biktima sa Tayabas Community Hospital.

Tulong-tulong ang mga rescue team sa pagsaklolo sa mga nasugatang pasahero ng isang van na sumalpok sa mga concrete barriers sa Tayabas City, Quezon, Linggo ng madaling araw. ***Larawan mula sa Tayabas CDRRMO.***

Karamihan sa mga biktima ay taga Valenzuela, Caloocan, Mandaluyong at San Jose Del Monte City, Bulacan na may edad na 17 anyos hanggang 74 anyos.

Hindi naman nasaktan ang drayber ng van na 70 anyos.

Ayon sa inisyal na imbestigasyon, bandang 3:19 ng umaga habang binabagtas ng van ang bypass road rotunda intersection nang makasalubong nito ang isang sasakyan na may malakas na ilaw na naging dahilan para masilaw siya at hindi makita ang daan kaya bumangga siya sa mga concrete barrier.

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)