REAL, Quezon – Isa ang iniulat na nasawi at apat na iba pa ang sugatan kabilang ang isang bata at ang isang sanggol matapos salpukin ng isang truck ang kasalubong na top down tricycle na sinasakyan ng mga biktima sa National Highway sa Brgy. Capalong, Real, Quezon bandang alas 10:00 ng umaga nitong Huwebes.
Ayon sa report ng Real police, dumulas ang truck habang ito ay tumatahak sa basa at kurbadang bahagi ng kalsada hanggang sa napapunta sa linya ng kasalubong.
Kapwa hindi na nakaiwas ang dalawang sasakyan at bumangga ang truck sa tricycle na sinasakyan ng magkakapamilyang biktima.
Agad nagresponde ang mga tauhan ng PNP, BFP at MDRRMO rescuer at hinugot ng mga biktima kasama ang 28-taong gulang na driver , pati ang dalawa pang babaeng sakay na may mga edad na 29 taong gulang, isang 57 anyos at ang dalawang bat
Subalit idineklarang wala nang buhay pagdating sa Claro M. Recto Memorial Hospital ang 57-anyos na babae, samantalang ginagamot sa mga natamong bali at pasa ang apat na kasama.
Ayon sa Real PNP, gumewang patungo sa kabilang linya ang trak nang mawalan ng preno sa madulas at basang na aspalto dulot ng masamang lagay ng panahon sa lugar.
Inaresto ang 55- taong gulang na nagmamaneho ng truck at kakasuhan ng reckless imprudence resulting in homicide at multiple physical injuries.
ULAT NI RONILO DAGOS
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
