HAGONOY, Bulacan – Sumisigaw ng katarungan ang pamilya ni Dearick Keo Faustino na isa sa dalawang nasawi sa car crash sa entrance ng departure area ng NAIA Terminal 1 noon Linggo ng umaga.
Breadwinner ng pamilya si Faustino na residente ng Barangay Abulalas sa Hagonoy, Bulacan.
Senior Supervisor si Faustino sa isang publishing house at noong Linggo patungo sana siya sa Dubai kasama ang dalawang katrabaho para sana sa series ng meeting sa mga Filipino schools.
12 ng tanghali ang flight nila kaya alas-otso pa lamang ng umaga ay inihatid na sila ng company vehicle sa NAIA Terminal 1.
Habang nagbababa ng mga maleta ang dalawa, si Faustino kumuha ng pushcart pero sa hindi inaasahan, isang SUV ang humarurot at kasamang nasapol siya.
“Nagkagulo na ,hinanap nila yung kaibigan nila ,yung kasama nila nakita nila nasa ilalim na ng sasakyan ,nakaipit” kwento ni Fernado Nicolas, tito ni Faustino na agad tumakbo sa NAIA nang malaman ang masaklap na balita.
Pero ang ikinakasama ng loob ng pamilya Faustino hindi umano agad nabigyan ng medical attention ang biktima, base sa kwento ng mga kasamahan sa trabaho,
“They were begging for help for medical assistance kasi ang kailangan medical attention eh ,nagtataka sila bakit yung mga may minor injuries ang daming nagkakagulo , ito gumalaw pa at kumilos ,parang kinulong yung tulong na nakuha nila” sabi ni Nicolas.
“Sana nabigyan man lang kaagad medical assistance o medical help para naisakay, nadala sa ospital baka kasi nagkaroon ng chance na mabuhay” dagdag pa niya.
Sa hindi inaasahang pagkasawi ni Faustino, marami umanong magandang kinabukasan ang pamilya na nawala.
“Nawala yung pag-asa ng pamilya ,yung kinabukasan ng kapatid niya ,yun ang role niya sa family ,tahimik na bata yan ,pinapag-aral niya yung bunso niyang kapatid , yung isa nya kapatid napagtapos na niya ,siya yung tumutulong sa tatay nya “ sabi pa ni Nicolas.
“Mabigat kasi maraming pangarap si Keo para sa kaniyang pamilya”
Wala pang sariling pamilya si Faustino , na pangalawa sa apat na magkakapatid na nagsisikap para sa kaniyang ama at mga kapatid.
Noong nakaraang taon napromote siya sa trabaho at kaunting panahon na lamang ay mararating na niya sana ang mataas na posisyon sa kumpanya.
Sa darating na May 29, 2025, ipagdiriwang n asana niya ang kaniyang ika-30 kaarawan.
Desidido ang pamilya Faustino na papanagutin sa batas drayber ng SUV .
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Lolo namaril sa road rage sa Tanay, Rizal; 2 sugatan - July 8, 2025
- Tatlo,arestado sa Php 1M droga sa Taytay, Rizal - July 7, 2025
- Laguna Governor Sol Aragones Bans Rude Behavior in Public Hospitals - July 7, 2025
