Gov. -elect Sol Aragones, agad sumaklolo sa mga nasunugan sa palengke ng Sta. Cruz, Laguna -

LAGUNA – Natupok ang public market ng bayan ng Sta. Cruz, Laguna, Biyernes ng umaga.

Ayon sa report ng Bureau of Fire Protection -Sta.Cruz, bandang 5:50 ng umaga nang magsimula ang sunog sa palengke na tatlong kilometro lamang ang layo sa fire station.

Itinaas sa 4^th alarm ang sunog bago naideklarang under control bandang 8:23 ng umaga at naideklara naman ang fire out bandang 9:41 ng umaga.

Hindi pa matukoy ang pinagmulan ng apoy pero sa inisyal na report ay nagsimula ito sa may dry goods area particular sa mga tindahan ng damit at sapatos.

Apat ang naitalang nasugatan sa sunog kabilang ang 1 sibilyan, 2 fire volunteer at isang bumbero mula sa BFP.

Hindi pa mabilang kung ilang tindahan sa palengke ang natupok at kung magkano ang halaga ng pinsala.

Agad naman nagtungo sa lugar si Laguna Governor -elect Sol Aragones upang alamin ang pangangailangan ng mga naapektuhan ng sunog at kung ano ang mga tulong na ipagkakaloob.

Umabot sa 16 na fire trucks mula sa BFP at 10 fire trucks mula sa mga fire volunteer group ang rumesponde.

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)