QUEZON PROVINCE – Nagtamo ng pinsala ang gusali ng munisipyo ng General Nakar sa Quezon Province matapos tumama ang magnitude 4.6 na lindol kaninang alas 12:17 ng tanghali.
Sa video na ibinihagi ng Municipal Information Office, makikita ang mga mahahabang bitak sa pader ng mga tanggapan sa municipal hall building.
Kabilang sa mga nagtamo ng pinsala ang tanggapan ng Municipal Information Office, Municipal Environment and Natural Resources Office, Human Resource Office, Municipal Civil Registrar Office at Municipal Planning and Development Coordinating Office.
Ayon kay Erberto Astrera, head ng MDRRMO, intensity 4 ang naramdaman sa General Nakar na sentro ng lindol.
Pinapasuri na rin ng MDRRMO sa Municipal Engineering Office ang mga gusali para matiyak kung may mga pinsala itong tinamo.
“may pakikipag-ugnayan po tayo sa municipal engineer natin para machek po yung ating municipal building at ito pong building natin na malalaki kung may mga damage po tayo” sabi ni Astrera.
Sa CCTV footage na ipinadala sa TBST News ng Municipal Information Office, makikita ang paglikas ng mga empleyado ng munisipyo matapos ang pagyanig na naramdaman.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
