Disqualification petition sa mag-asawang Hernandez, iniatras; Isa pang DQ, tuloy pa rin -

MANILA – Umatras ang apat na naghain ng petisyon para ma-disqualify sa pagtakbo sa halalan sina Laguna Gov. Ramil Hernandez at asawa na si Congresswoma Ruth Hernandez dahil sa umano sa vote-buying.

Noong May 2 lamang naghain ng petisyon ang apat pero nitong Lunes, May 4, 2025 ay binawi na nila ang petisyon sa Comelec dahil umano sa mga ginamit lamang sila at peke ang kanilang pirma.

“Peke ang pirma nila doon. Peke ang pirma nila, wala silang pinipirmahang anumang dokumento, sinumpaang salaysay, verification, doon sa petition of disqualification against Governor Ramil Hernandez and Congresswoman Hernandez,” sabi ni Atty. Kenneth Beo, abogado ng apat.

Bagamat, umatras ang apat sa kanilang petisyon, may isa pang natitirang petition for disqualification case ang mag-asawang Hernandez dahil rin sa alegasyon ng vote-buying at abuse of state resources na naunang inihain naman ng isang Celito Baron.

Tumatakbong congressman ng 2^nd district ng Laguna si Gov. Hernandez habang gobernadora naman ang tinatakbuhan ng kaniyang asawa.

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)