NAUJAN, Oriental Mindoro – Dalawang proyektong pang imprastraktura mula sa Pamahalaang Panlalawigan na may kabuuang halagang P2.9 milyon ang magkasunod na pinasinayaan sa Brgy. Evangelista sa bayan ng Naujan, Abril 22.
Pinangunahan ni Governor Humerlito “Bon,z” A. Dolor at kaniyang maybahay Hiyas Govinda Ramos-Dolor ang ribbon cutting ceremony ng ₱ 1.5M halaga ng Day Care Center at ₱ 1.4M halaga ng Multi-Purpose Building ng Farmers’ Association katuwang sina Board Member Alely Casubuan-Tan, Board Member Fay Ilano-Navarro, dating Provincial Administrator Doc Hubbert Christopher A. Dolor at Barangay Captain Cesar Pedrozo.
Taos-pusong pasasalamat ang ipinaabot ni Barangay Captain Pedrozo sa administrasyon ni Governor Bonz dahil sa patuloy at walang sawang pagkalinga at pagtugon sa pangangailangan ng kanilang barangay.
“Sa pagkakataong ito ay ako naman ang magpapaabot ng pasasalamat sa ating mga magsasaka sa Brgy. Evangelista sapagkat dahil sa inyo may pagkain ang ating mga mamamayan”, ang mensahe ng Gobernador.
Nakiisa rin sa naturang gawain ang ilang myembro ng Sangguniang Bayan ng Naujan at iba pang mga opisyal.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
