BALAYAN, Batangas – Isang butanding o whale shark na na-stranded sa mababaw na parte ng dagat at ilang beses sinubukang isalba ng mga otoridad ang namatay sa Barangay 10, Balayan, Batangas, Linggo ng madaling araw.
Ayon sa Coast Guard District Southern Tagalog , nagtulong-tulong ang Municipal Disaster Risk Reduction and Management Office (MDRRMO), Municipal Fisheries Office at Coast Guard Sub Station Balayan na maibalik sa dagat ang butanding matapos matanggap ang report ng isang residente bandang hatinggabi.
Pero matapos umano ang ilang beses na pagtatanggka ng mga otoridad na ma-ig-uide pabalik sa malalim na parte ng dagat ang butanding ay palagi umano itong bumabalik sa mababaw na bahagi ng dagat.
Bandang ala-singko ng madaling araw ay tuluyan nang namatay ang butanding.
Sa inisyal na assessment ,nakitaan ng butanding ng senyales ng extreme exhaustion.
May sukat ang butanding na 13.8 feet ang haba at 2.95 feet ang lapad.
Alinsunod sa mga local regulasyon ,ang labi ng butanding ay pormal na ibinigay sa Municipal Fisheries Office para sa pagproseso ng paglilibing nito.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
