CAVITE– Apat ang kumpirmadong patay kabilang ang barangay chairman at dalawang barangay kagawad matapos ang pamamaril ng isang dating barangay tanod habang isinasagawa ang flag raising ceremony kaninanh alas-8:00 ng umaga sa Barangay Salitan 3, Dasmariñas City, Cavite.
Ayon sa inisyal na imbestigasyon, biglang lumapit sa flag raising ceremony ang 50 taong gulang na suspek na si Alyas Ariel, naglabas ng baril at sunod-sunod na nagpaputok sa mga opisyal ng barangay.
Naitakbo pa sa ospital ang mga biktima pero binawian din ng buhay.
Ayon sa Cavite Police Provincial Office, kabilang sa nasawi ang 56 na taong gulang na barangay chairman, at dalawang barangay kagawad na may edad 54 at 65 taong gulang.
Nagbaril naman sa sarili ang suspek na idineklarang dead on arrival din sa ospital.
Malubha naman nasugatan ang secretary ng Sangguniang Kabataan.
Iniutos n ani PBGen. Paul Kenneth Lucas, regional director ng Calabarzon PNP ang malalimang imbestigasyon sa kaso.
Ayon kay Lucas, may tagal ng alitan ang suspek at ang barangay chairman.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Lolo namaril sa road rage sa Tanay, Rizal; 2 sugatan - July 8, 2025
- Tatlo,arestado sa Php 1M droga sa Taytay, Rizal - July 7, 2025
- Laguna Governor Sol Aragones Bans Rude Behavior in Public Hospitals - July 7, 2025
