MANSALAY, Oriental Mindoro – Isang bangkay ng hindi pa nakikilalang lalaki ang natagpuan na nakalutang sa dagat na sakop ng Barangay Don Pedro, Mansalay, Oriental Mindoro noong Sabado.
Nataguan ng mga mangingisda ang bangkay na tinatayang nasa 45-50 ang edad, katamtaman ang pangangatawan, tinatayang 5’6” ang taas, nakasuot ng berde na shorts , walang damit pang-itaas at may suot na silver na kwintas.
Nagtulong-tulong ang mga Mansalay Municipal Police Station, Roxas Maritime Law Enforcement Team, Philippine Coast Guard Bulalacao at MDRRMO Mansalay para maiahon sa dagat ang bangkay.
Dinala ang bangkay sa Kaaagapay Mo Karamay Funeral Homes.
Larawan mula sa Oriental Mindoro PNP
Walang nakitang palatandaan ng sugat ang biktima pero isasailalim pa rin ito sa post-mortem examination para matukoy ang dahilan ng pagkamatay.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
