BATANGAS – Ilang araw bago ang halalan, balik sa pagiging mayor ng Lobo, Batangas si incumbent vice mayor Geronimo Alfiler .
Ito ay matapos na magpalabas ng anim na buwang suspension order ang Ombudsman laban kay Mayor Loto Manalo na noong April 24 ay naibalik ng DILG sa pwesto matapos na iutos ng Court of Appeals na nagresulta para bumalik sa pagiging vice mayor si Alfiler,
Pero sa panayam sa telepono kay DILG Calabarzon Regional Director Ariel Iglesia , sinabi niya na si Alfiler na muli ang kinikilang acting mayor ng Lobo matapos isilbi ng Ombudsman kay Manalo ang suspensin order.
Nanumpa na rin si Alfiler bilang acting mayor matapos na matanggap ang order ng Ombudsman.
“we need to abide the order of Ombudsman” sabi ng DILG Regional Direcrtor sa panayam sa telepono.
Ang panibagong suspension kay Manalo ay nag-usap sa kasong isinampa ng isang Victor Ramos.
Ayon kay Manalo si Ramos ay kaalyado ng kaniyang kalaban.
Sa kabila ng suspension order na inihain ng Ombudsman, nanindigan si Manalo na hindi siya kinikilala ang order, mananatili pa rin na siya ang mayor ng Lobo.
Para sa kampo ni Manalo, kwestyonable ang naging kautusan ng Ombudsman.
Batay umano sa Comelec resolution 11059 na inilabas noong nakaraang taon mula January 11 hanggang June 11,2025 ay hindi maaaring magsuspinde ng elective official maliban lamang kung may nauna nang written approval ang Comelec.
“wala pong inilalabas na kautusan ang Department of Interior and Local Government at Comelec na nag-uutos ng pagbaba sa puwesto ni Manalo bilang alcalde” sabi ni Atty. Julius Henry Baldez, legal counsel ni Manalo.
Nagbanta ang kampo ni Manalo na kakasuhan nila si Alfiler ng usurpation of authority sa ginawa umano nitong umano’y iligal na panunumpa at pagtakeover sa munisipyo.
Pero para sa DILG, malinaw na si Alfiler na ang acting mayor ng Lobo .
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
