Kalinga ng Kapitolyo, papalawakin pa ni Quezon Gov. Helen Tan sa kaniyang 2nd term -

QUEZON PROVINCE – Si Helen Tan pa rin ang mamumuno sa Quezon Province kasunod ng pagkakaproklama sa kanya na nanalong gobernadora muli kasunod ng natanggap na higit 900,000 boto.

Martes ng hapon nang iproklama ni Atty. Anamei Barbacena, acting provincial election supervisor si Tan bilang nanalo muling gobernadora sa nagdaang halalan.

Ito na ang ikalawang termino ni Tan na unang nahalal noong 2022 at tinanghal na kauna-unahanng babaeng gobernadora ng Quezon.

Kasama rin nagwagi ang anak niya na si 4^th District Rep. Mike Tan para sa ikalawang termino habang panalo rin board member sa 2^nd district ang anak niya na si Dr. Kim Tan.

Ayon kay Gov. Tan na isang doctor sa propesyon , sa kaniyang ikalawang termino ay mas papalakasin pa niya ang programa sa kalusugan.

Isa sa tututukan ay ang patuloy na pagsasaayos ng Quezon Medical Center gaya ng mga equipment at facilities para maging accessible sa mga tao.

Papalawakin pa ang Kalinga ng Kapitolyo na isang programa kung saan ang mga serbisyo sa kapitolyo ay dadalhin na sa bawat barangay.

“Dati sa center lang ng town-town lang kami pumupunta for mga sevices ng mga capitol , we have started already in January , we have satellite offices in all municipalities ,these offices together with our like agriculture , veterinarian ,social services office , pupunta na ng barangay “ sabi ni Gov. Tan.

Tututukan din ng gobernadora ang programa sa edukasyon sa Quezon Province.

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)