PAKIL, Laguna – Naaresto ng Pakil Municipal Police Station sa hotpursuit operations ang anim na mga armadong lalaki na nagpanggap na mga tauhan ng National Bureau of Investigations (NBI) na nagsasagawa umano ng imbestigasyon sa vote-buying sa Laguna.
Naharang ang mga suspek sa harap ng Kabulusan Elementary School bandang 3:15 ng hapon habang sakay ng isang SUV.
Nakatakas naman ang isa pang kasama nila.
Nabatid na bandang 10:00 ng umaga nang dumating ang mga suspek sa Pakil Police Station at nakipagcoordinate para umano sa gagawing imbestigasyon ng NBI sa umano’y vote-buying at vote-selling activity sa Brgy. Matikiw.
Nagpakilala umano ang mga suspek na taga-NBI main office.
Matapos na makaalis ng mga suspek sa police station, ipinagbigay alam ng desk officer sa kanilang chief of police ang impormasyon na agad naman nagsagawa ng beripikasyon sa NBI Legal Service at NBI Laguna District Office gamit ang mga ipinakitang ID at badge.
Dito na natuklasan ng mga pulis na hindi mga miyembro ng NBI ang mga suspek kaya ikinasa agad ang operasyon.
Nasamsam sa mga suspek ang pekeng NBI ID at badge, mga baril at bala .
Ayon kay Laguna Provincial Comelec Election Supervisor Atty. Patrick Enaje, iniimbestigahan na nila kung samahan ng mga pekeng NBI agents ang mga pekeng staff ng Comelec na naaresto sa Santa Cruz, Laguna.
Nahaharap ang mga pekeng NBI agents sa mga kaso ng usurpation of authority at violation ng Omnibus Election Code.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Lolo namaril sa road rage sa Tanay, Rizal; 2 sugatan - July 8, 2025
- Tatlo,arestado sa Php 1M droga sa Taytay, Rizal - July 7, 2025
- Laguna Governor Sol Aragones Bans Rude Behavior in Public Hospitals - July 7, 2025
