Gov. Gadiano, natanggap na ang sulat ng DENR, DILG sa reklamo sa dredging -

MAMBURAO, Occidental Mindoro – Natanggap na ng tanggapan ng Provincial Government ng Occidental Mindoro ang sulat ng Department of Interior and Local Government (DILG) MIMAROPA Region at Department of Environment and Natural Resources (DENR) Mines and Geosciences Bureau (MGB) MIMAROPA Region hinggil sa inirereklamong dredging operations sa Pagbahan river sa Barangay Talabaan sa bayan ng Mamburao.

Pinapakilos ng mga nasabing kagawaran si Gov. Eduardo Gadiano sa nasabing reklamo na ipinadala sa Citizens Complaint Hotline 8888 ng Malacanang ng residenteng si Zenaida Esparas.

Sa reklamo ni Esparas, illegal umano ang ginagawang dredging sa Brgy. Talabaan na maaaring makasira sa kabuhayan, kalikasan at kaligtasan.

Giit pa ni Esparas walang ginagawang aksyon si Gadiano sa kanilang mga reklamo kaya dapat ang Malacanang na umano ang mag-imbestiga.

Ipinasa ng DENR MGB MIMAROPA kay Gov. Gadiano ang pag-aksyon sa reklamo ni Esparas dahil ang gobernadora ang chairperson ng Inter-Agency Committee for monitoring and enforcement ng dredging operations sa ilalim ng Department Administrative Order 2020-12.

Ayon kay Gadiano, sasagutin nila ang sulat na ipinadala ng DILG at DENR MGB sa Lunes.

Una nang iginiit sa mga naunang panayam kay Gadiano na legal at kumpleto ang lahat ng dokumento ng dredging operations at makakabuti ito para mapalalim ang mga ilog upang maiwasan ang pagbaha sa Occidental Mindoro.

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)