Cong. Umali, umaasa pa rin sa Batangas-Mindoro Super Bridge -

ORIENTAL MINDORO – Isinusulong ni Oriental Mindoro 2^nd District Rep. Alfonso Umali Jr. na matuloy pa rin ang pagtatayo ng Batangas- Mindoro Super Bridge na malaki ang maitutulong sa ekonomiya ng lalawigan at mga pamumuhay ng mga mamamayan.

“Imagine kung ano magagawa niyan, makakasama tayo sa mainland Luzon ,pag-may tulay na tayo, wala na tayong problema ,bumagyo man ,signal number 1,2 eh tayo makakatawid eh , yung mga produkto natin hindi na mabubulok “ sabi ni Rep. Umali.

**_{^{Inaasahang mas lalo pang sisigla ang turismo sa Oriental Mindoro kapag naitayo na ang Batangas-Mindoro Super Bridge.}}**

Umaasa si Cong. Umali na sa ilalim ng administrasyon ni Pangulong Ferdinand Marcos Jr. ay masisimulan ang proyekto.

Bagamat wala pang kongkretong pondo at hindi pa rin tapos ang pag-aaral sa nasabing super bridge, malaki ang paniniwala ng kongresista na darating ang araw ay may susugal para may mamuhunan sa upang maitauo ang tulay.

Paliwanag ni Umali, maraming puwedeng idaan sa tulay na mga malalaking Negosyo na magiging daan sa pag-unlad ng Oriental Mindoro.

“Maaaring wala na tayo sa mundo pero gagawin yan, bakit? Siguro sa ngayon hindi pa kaya ang volume ng sasakyan sa toll gate pero hindi lang naman toll gate ang inaasahan “ sabi ni Umali.

Mas mabilis nang maitatawid sa Batangas patungong Metro Manila ang mga produkto mula sa Mindoro kung may tulay na magdudugtong na sa dalawang probinsya.

,” Eh pwede tayo maglagay dito ng power ,yung solar ,pwde natin yan itawid sa Luzon eh , mayroon tayong natural gas sa Mansalay, Bulalacao ,pwde nating idaan sa tulay yan ,mayroon tayong bulk water, tubig ,pwde nating idaan dyan , yung ating telecommunications, internet, puwede natin idaan dyan, so malaki ang babayaran nila dyan “ dagdag pa niya.

Taong 2015 nang ilatag ang ideya noong si Umali pa ang gobernador ng Oriental Mindoro.

Ulat ni Jerry Alcayde

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)