BATANGAS CITY – Binulabog ng bomb threat ang campus ng University of Batangas (UB) umaga ng Miyerkoles, April 30.
Naantala ang klase ng mga mag-aaral na nabalot ng takot dahil sa natanggap na bomb threat bandand 7:25 ng umaga.
Ayon sa ulat ng Palakat Batangas City na Public Information Office ng local na pamahalaan, unang rumesponde ang City Disaster Risk Reduction and Management Office (CDRRMO) mula sa opisina ng main campus ng UB hinggil sa kumakalat na text message na nagsasabing may bomba umano sa loob ng paaralan.
Rumesponde rin ang Batangas City Police, Bureau of Fire Protection, EBD-MT Task Force Disiplina, TDRO,at Philippine Red Cross.
Mabilis na pinalikas ang mga estudyante, guro at iba pang mga nasa loob ng paaralan para matiyak ang kanilang kaligtasan.
Inactivate kaagad ang Incident Management Team sa utos ni Mayor Beverly Dimacuha na tumatayong Chairperson ng CDRRMC.
Habang nagtayo ng staging area malapit sa Saint Bridget College.
Hinalughog ng bomb squad gamit ang K-9 dogs ng PECU, PCG-EOD at PCG K-9 unit pero makalipas ang ilang oras ay idineklarang negatibo sa bomba ang unibersidad.
Pinaniniwalaang isang prank text lamang ang natanggap na mensahe at iniimbestigahan pa kung kanino ito nagmula.
Umapela naman si CDRRM Officer Rod Dela Roca sa publiko na maging responsible sa paggamit ng cellphone at social media at iwasan ang mga prank text at prank call na nagdudulot ng takot at kapahamakan.
Mula sa ulat ng Palakat Batangas City/ PIO
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
