UPDATED -BREAKING NEWS
MANILA – Disqualified na ng Comelec sa pagtakbong kinatawan ng third district ng Quezon Province si Heneral Luna incumbent Mayor Matt Erwin Florido dahil sa vote-buying.
Ibinaba ng Comelec 1st Division ang desisyon laban kay Florido ngayong Miyerkoles, April 30, 2025.
Sa reklamo ng mga nagsampa ng petisyon na sina Jan Raphael Pasillao, Manolo De Leon Panganiban, Norita Victor, Jay-R Victor at Mark Pardiñas na mga residente ng bayan ng Buenavista, noong April 5 at April 6 sila ay inimbitahan sila ng isang representative ni Mayor Florido para sa isang orientation/ gathering sa isang lugar sa bayan ng Catanauan.
Wala umanong ibinigay na dahilan sa imbitasyon ni Mayor Florido pero sagot umano ang pagkain at transportasyon.
Sinundo umano sila ng jeep at dinala sa lugar kung saan nag-speech ang alcalde kung saan siya nangampanya.
Nagkaroon pa umano ng candle lighting bilang pagsuporta sa kandidatura ni Florido sa pagka-kongresista.
Pagkatapos umano nito, lahat ng dumalo ay binigyan ng t-shirt at brown envelope na naglalaman ng Php 1,000.
Kumamay pa umano si Florido sa mga naabutan ng t-shirt at pera.
Pagkatapos umano nito ay inihatid na sila pauwi sakay muli ng jeep.
Ayon sa Comelec first division, base sa mga ebidensya, napatunayan na si Mayor Florido ay nagsagawa ng vote-buying kaya pinapatawan ng disqualification sa pagtakbong kongresista.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
