LOBO, Batangas – Mariin pinabaluanan ni Mayor Lota Manalo na siya ay muling sinibak sa pwesto ngayong Martes, ilang araw matapos na siya ay maibalik sa kapangyarihan bilang pinuno ng bayan.
Sa kaniyang opisyal na pahayag, kaniyang sinabi na walang katotohanan ang ipinapakalat na balita.
Pero, inamin ni Mayor Manalo na totoong nakatanggap siya ng sulat mula sa Office of the Ombudsman.
Nakasaad sa sulat na inaprubahan ng Ombudsman ang anim na buwan preventive suspension sa kaniya sa isa pang hiwalay na kaso na isinampa laban sa kaniya.
Ayon sa alcalde gumagawa na ng mga legal na hakbang ang kaniyang abogado para pigilan ang implementasyon ng nasabing suspension order.
“Ang akin pong legal team ay gumagawa na ng hakbang upang i-challenge ang implementasyon ng suspensyon dahil labag ito sa Section 62 ng Local Government Code of the Philippines kung saan nakasaad na walang preventive suspension na maaaring ibaba siyamnapung (90) araw bago ang eleksyon.” Pahayag ni Mayor Manalo.
Noong nakaraang April 24, 2025 lamang ay ibinalik ng DILG si Manalo sa pwesto bilang mayor ng Lobo matapos na iutos ng Court of Appeals kasunod ng naging pagbaligtad sa naging desisyon ng Ombudsman na sibakin siya sa pwesto .
Sinabi ng Court of Appeals na illegal ang pagkakatanggal sa pwesto kay Manalo ng Ombudsman.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
