Sablayan Coliseum target na matapos sa 2028 -

SABLAYAN, Occidental Mindoro – Ipinakita ni Mayor Walter “Bong” Marquez sa mga miyembro ng media ang itinatayong Sablayan Coliseum sa Brgy. Poblacion.

Tuloy-tuloy na ang kontruksyon ng coliseum na target matapos sa taon 2028.

Ayon kay Mayor Marquez, nasa ₱800M ang pondo para maitayo ang Sablayan Coliseum.

Nagbigay na ng ₱50M si Sen. Bong Go, ₱250M si Cong. Odie Tarriela at ₱100M ang CWS Party-list.

May limang palapag ang itinatayong Sablayan Coliseum na may seating capacity na 15,000.

Ayon pa kay Mayor Marquez, target ng Sablayan LGU na maging regional sports center ng MIMAROPA Region ang bayan ng Sablayan kaya patuloy ang kanilang pagsasaayos ng mga sports facility.

Nagpahayag na ang Sablayan LGU sa Philippine Sports Commission para maideklarang Regional Sports Center ang Sablayan.

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)