NAUJAN, Oriental Mindoro – Sampung mangingisda ang inaresto ng Fisheries Management Office (FMO) dahil sa hindi otoridadong pangingisda sa municipal water ng bayang ito noong Miyerkoles.
Ayon sa report ng FMO, bandang ala-7:00 ng gabi nang magsagawa ng special operation ang Municipal Fishery Law Enforcement Team o MFLET na nagresulta sa pagkakasabat sa tatlong bangka habang nasa akto na naghuhulog ng lamabt sa dagat na sakop ng Barangay Estrella at Barangay San Antonio.
Pawang mga taga-Calapan City ang mga nahuling mangingisda kung saan ipinaliwanag sa kanilang ang dahilan ng kanilang pagkakaaresto habang naka-impound na ang tatlong bangka .
Sinabi ni Sean Nagutom ng FMO, batay sa umiiral na ordinansa ng Naujan ay tanging ang pinapahintulutan lamang na mangisda sa kanilang municipal waters ay ang mga rehistradong residente ng bayan ng Naujan.
Ang mga nahuling mangingisda ay pinagmulta alinsunod sa probisyon ng Pambayang Ordinansa Bilang 39, serye ng 2005.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
