MANILA – Posibleng ma-diskwalipika sa kanilang pagtakbo ngayong halalan sina incumbent Bulalacao, Oriental Mindoro Mayor Ernilo Villas at kaniyang asawa dahil sa kaso ng vote-buying.
Pinadalhan na ng show cause order ng Committee on Kontra Bigay National Complaint ng Commission on Elections (Comelec) sina Mayor Villas at asawa na si Edna Villas upang pagpapaliwanagin sa reklamo ng pamimili umano ng boto.
Sa reklamo na natanggap ng Comelec na may mga kalakip na mga larawan bilang ebidensya,namigay umano sina Villas n tig-2,000 pesos kada isang tao sa ilalim ng pagkukunwaring programa ng DSWD noong March 27, 28 at April 2,2025 sa covered court ng Barangay Poblacion, Bulalacao, Oriental Mindoro.
Ayon sa Comelec, posibleng nalabag nina Villas ang Omnibus Election Code at ang Comelec resolution section 26 sa presumed vote -buying and vote-selling.
Binibigyan ng Comelec ng tatlong araw ang mag-asawang Villas na magpaliwanag.
Tumatakbong vice mayor si incumbent Mayor Villas habang mayor naman ang tinatakbuhan ng kaniyang asawa na si Edna villas.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
