SAN JOSE, Occidental Mindoro – Ang paghahanap ng katarungan para sa mga nasawi sa pagtaob ng MV Hong Hai 16 ay nagsimula na.
Bago iuwi sa kanilang bahay sa Dasmariñas City, Cavite, tiniyak ng pamilya Monserate na masasampahan muna ng kaso ang nasa likod ng pagkawala ng kanilang pinakamamahal na padre de pamilya.
Kasama ang PNP Maritime Group, nagtungo sa Occidental Mindoro Provincial Prosecutors Office sa bayan ng San Jose ang pamilya ng nasawing chief mate na si Cezar Monserate para maghain ng reklamo laban sa mga kapitan ng MV Hong Hai 16.
“we want justice lang talaga”. Sabi ni Mary Kane, anak ni Cezar Monserate na lumuwas noong Sabado mula sa Dasmariñas City, Cavite.
Reckless imprudence resulting in multiple homicide and serious physical injury ang isinampang reklamo sa Filipino at Chinese nationals na mga kapitan ng MV Hong Hai 16 na pagmamay-ari ni Kean Peak Corporation.
Sabi ni Provincial Prosecutor Warren Wesley Malalad,sumama rin sa pagsasampa ng reklamo ang Filipino survivor na hanggang ngayon ay nasa ospital pa rin.
Dalawang linggo bago mangyari ang aksidente sa dagat, nagsabi na si Cezar sa kaniayng asawang si Evelyn na magreretiro na siya at babalik na sila sa Iloilo para doon manirahan for good.
Wala pa naman kasong isinasampa laban sa walong Chinese na nakaligtas na may kinalaman sa kanilang immigration status.
“With respect naman po sa kasong ito eh wala naman po epekto whether undocumented alien or not kasi po criminal case ito hindi po importante dito ang immigration status ng mga respondent kasi po ang krimen ay nangyari within the jurisdiction ng Philippines” sabi ni Malalad.
“Separate po kung mayroon po impormasyon na patungkol sa kanilang immigration status o kung ano pang immigration violation na kanilang nacommit it’s a separate po doon sa criminal case na isinampa ng Maritime Police” dagdag pa niya.
Bagama’t isang pamilya pa lamang ng nasawi ang naghain ng reklamo, sinabi ni Malalad na hindi ito magpapahina sa kasong isinampa laban sa mga kapitan ng barko.
“Hindi naman po paramihan kasi mayroon naman po mga ebidensya sinumite yun ho nagfile “ sabi pa niya.
Dalawa pa rin crew ang hinahanap habang siyam na ang naitalang nasawi sa MV Hong Hai 16 tragedy sa Barangay Malawaan, Rizal, Occidental Mindoro.
Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.
Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.
- Trike drayber, timbog sa Php 4M shabu sa Dasmariñas City - June 4, 2025
- Bangsamoro Police, wala pang suspek sa pumatay sa tatlong Batangueños - June 4, 2025
- Araw ng Pagluluksa, idineklara sa Calatagan, Batangas para sa tatlong pinatay sa Maguindanao Del Sur; Isa sa mga biktima, ililibing ngayong Huwebes - June 4, 2025
