8 pang bayan sa Batangas, inilagay sa areas of concern dahil sa umiinit na away-pulitika -

BATANGAS – Nagdadagan pa ng walong bayan ang nasa areas of cocern sa Batangas dahil sa umiinit na away-pulitika na ngayon ay umaabot na sa kabuang 11 bayan at isang lungsod ang mahigpit na binabantayan ng mga otoridad.

Sinabi ni PMaj. Eduardo Timbol II, public information officer ng Batangas Police Provincial Office (BPPO) na nadagdag sa kanilang listahan ng areas of concern ang mga bayan ng Bauan, San Pascual, Mabini, Lobo, San Nicolas, Taysan at Nasugbu.

“Ito po ay based on our concerns dahil medyo nagkakainitan po on the ground

Because of the current political situation ,medyo intense po ang rivalry ngayon ng politican candidates “ sabi ni Maj. Timbol.

Una nang inilagay sa areas of concern ang mga bayan ng San Jose, Mataasnakahoy, Taal at Tanauan City.

Sa huling araw naman ng kampanya naman kahapon, napilitan ang mga pulis na bumuo ng human barricade upang maiwasan ang gulo nang magkasalubong ang motorcade ng dalawang mahigpit na magkalaban sa tumatakbong mayor at congressman sa Bauan, Batangas.

“Talaga lang po nagkasalubong yung caravan o yung motorcade ng dalawang political candidates kaya to make sure na hindi na po magkainitan , yun lang naman po ang iniiwasan natin nagform na po ng human barricade ang ating kapulisan lahat po ng dadaanan ng caravan ng candidates po natin “ dagdag ni Maj. Timbol.

Nasa 2,048 na mga pulis ang nakadeploy na sa mga police precints at mga Comelec checkpoints.

May 748 din na mga pulis mula sa Regional Headquarters ng Calabarzon PNP ang ipindala sa Batangas para mapanatili ang katahimikan ng halalan .

Author
Recent Posts

Totoong Balita Southern Tagalog

Publisher at TBST

Ang TBST ay isang alternatibong programang pang-midya na layuning maghatid ng tapat, napapanahon, at makabuluhang balita mula sa rehiyon ng Southern Tagalog.

Tinututukan nito ang mga usaping pampulitika, panlipunan, at pang-ekonomiya na may direktang epekto sa mamamayan.

Sa pamamagitan ng pagbibigay-diin sa mga tinig ng masa at sa mga isyung hindi kalimitang nabibigyan ng espasyo sa mainstream media, nagsisilbing plataporma ang TBST para sa mas malawak na kamulatan at pagkilos.

Latest posts by Totoong Balita Southern Tagalog (see all)